No.1
男：今晚你想食乜嘢?
女：是旦啦!!你话事吖。
男：去吃麻辣烫吖。
女：天气咁热。你想热死我啊。
男：咁去吃水煮鱼吖。好耐冇食过喇。
女：我前两日先食过，成日吃好热气。
男：咁去食泰国嘢或者韩国烧烤好唔好??
女：都话咗热气啦，仲要我食呢啲嘢，你有冇心听我讲嘢架!
男：咁去POKKA好唔好??果度啲SET 啲INNER都几好食。
女：POKKA好多人，唔想排队
男：咁去鋸排好唔好??
女：唔想食咁多肉，好肥架。
男：冇人叫你食晒件排，或者妳叫碟意粉又或者其他嘢都得架
女：咁咪即係叫我睇住你 鋸排，我唔食你都唔准食。
男：......
男：咁食台湾嘢好唔好?
女：台湾嘢好多油，好肥架
男：咁去食粥喇
女：食粥唔饱肚
男：麦当当或者家乡鸡求其一样。行啦
女：都话热气咯。
男：咁寿司呢。
女：我都唔食寿司嘅，你唔系唔知架。咁摆明找碴姐。
男：不如你话事啦，我唔想林喇。
女：我系林唔到食乜先叫你话事，你比啲主见得唔得
男：唔系话热气就话肥，我真系林唔到仲有乜可以食。
女：咁系热气，系肥呀嘛。我有讲错咩，自己林唔到就乱发人脾气。有冇搞错啊你!!!
男：唉......咁去"味千"食拉面喇好唔好吖。
女：唔，都好，我要食咖哩拉面，炸餃子，仲要食雪糕!YE!就咁决定啦!GOGOGO
男：(心谂) 你老味 ~神又你鬼又你~咖哩唔热气嘅、炸饺唔热气嘅，仲要一路话肥仲食雪糕!
No.2
系游乐场内十环过山车前，男唔敢玩任何机动游戏
女：哇，好刺激啊。我又要玩!我最中意玩过山车架喇。
男：好啊，我睇你玩啦。
女：点解要睇我玩啊，你放心我一个人去玩架喇。你做咩唔玩吖!你讲吖!
男：我......我惊吖嘛。
女：惊!!平时搞搞镇果阵唔见你惊?! 你想系度及女咋挂，你古我唔知啊。
男：我冇啊!真系惊啊!我畏高架。见到都已经惊喇。
女：惊你个死人头，你有冇见过过山车哒死过人吖。你有冇见过男人老狗唔够胆玩过山车吖。你有冇见过比咗钱唔玩嘅人吖。你有冇见过...
男：得喇得喇。我玩喇。
女：^_^
玩过一次之后。女吓到面都青埋。
男：正啊。原来真系好好玩。我地玩多次咯。
女：痴线架你，系咪变态架，玩一次好啦，玩咁多次做咩啊。
男：咁觉得冇想象中咁惊，又几刺激咪玩咯。
女：睬你都傻。我要去买嘢吃。
男：咁你去买啦，我自己去玩多次跟住过来揾你。
女：玩咩玩。唔准玩。你想乘机溜去及女之嘛，你想去坐系第条女隔离一齐玩之嘛，你想笑我唔敢再玩之嘛，你想拖我时间等我冇得玩其他嘢之嘛，你想撇开我之嘛。
男：......
男：唔玩咯。我开始以为你中意玩先叫你玩多次之嘛。
女：我衣家中意睇你玩跳楼机，中意睇你去玩波波池，中意睇你玩旋转木马。咁你去啦!
男：......
No.3
男陪女系厅睇完套韩剧。女特然好伤感
女：我问你吖。
男：咩啊?
女：你爱唔爱我?
男：做咩咁问嘅，你知架。
女：比三声机会你。一，二。
男：爱啊爱啊，做咩啊?系米想咋娇啊?
女：咋你个死人头!
男：......
女：如果有得比你简，你情愿我死定你死!!
男：唔答得唔得?!
女：一，二。
男：我死!!
个女嘅林咗一阵。
女：你死!你死咗我咪好闷咯!!你死咗边个交屋租啊，边个整水喉啊，边个帮我批苹果啊，边个帮我洗底衫裤啊，你死咗边个比我恰啊。哇~~好多好多。你够胆死死嘅!!
男：咁。
咁你死喇。
女：哇。你只死产，咁你都够胆死讲嘅。你系米人来架。枉我平时咁锡你，咁保护你，咁关心你，咁照顾你。
男：那。我一早就知点答都死架喇。
女：你自己答得唔好之嘛。一齐死米得咯。
男：......(唔讲死得唔得啊)
No.4
深夜......
女：起身啊!!
男：做咩啊??
女：你有冇做对我唔住嘅嘢??
男：冇啊。做咩咁问?
女：你有架快讲啊。
男：真系冇啊。夜麻麻米吵啦。好眼训啊。
女：你仲唔认过哦!!
男：我认咩姐
女：头先明明梦见你同第二个女人坐埋同一部车翻工。
男：.....
男：我唔玩喇。好眼训。你比我训啦。
女：你讲啊。有冇啊?
男：......冇啊。
女：你证明比我睇吖。
男：点证明啊?
女：你听日米翻工吖。
男：......
女：你听日唔翻工陪我去大河马吖。
男：.....(扑你个街)
